Monday, December 3

Kaale Din Aur Lambi Raatein!



Kabhi kabar un andheri sard raato me, ek sapna aata tha darawna, jo khatam hone se pehle hi Use nind se jaga deta tha; us sapne me, ek sadak haadse me, apne Maa-Abba ko kho deta he wo, jo aasani se tal sakta tha; ek pal jese wo gaadi chala raha tha, aur dusre hi pal wo bahar kahi dur betha hua, bahut dur, us gaadi ko palte khaate dekh raha tha; kuch palo ke liye sab kuch maano dhime ho jaata he; aas pass ka shor, log, sab dhire dhire tairte hue jese gaadi ki aur badh rahe hote he,

chand lamho ki laaparwayi se, akela ho jaata he wo; kuch samaj nahi paata; achanak se tabahi najar aane lagti he, is haadse ki nahi, is haadse se usko hone wale jhakmo ki, din kaale hote jaate he aur raate lambi; kisse kahega ab wo apne pet me ho rahe chote se dard ke baare me, ya kisse un naye khillono ke liye chaar pese maangega.

[use abhi nahi pata ye ek sapna he, uske liye sab dard sachha he]


 sapne me sapne dekhne lagta he; patango ka, bachhpan ka, jab seediyon se tej bhaagte bhaagte gir jaata tha, aur doctor sahab bada sa injection lagaate the, Abba ke pass khade hoke muskuraane se, wo injection ka dard bhi kam lagta tha, wo khadoos teacher daant deti thi kabhi, aur wo ghar rote rote aata tha, Maa teacher ke ghar jaake uspe chilla deti thi, tab teacher ki daant bhi achi lag jaati thi.

apne palang pe leta na jaane aise kitne hi hazaaro lamho ko yaad karta rahta he, use sab ek sapna sa lagta tha, jese ek pal wo uthega aur sab sadharan sa ho jayega; par yakeen ke saath kese kah sakta he? dar jarur he, sahma hua he wo; shayad ye sapna nahi he, shayad he sapna hi he, aise sapne kayi baar aate he use, aur har baar itna hi darta he wo.

[na jaane kab ye sapne aane bandh honge.]

par jab logo ko apne makaan me, jo ab ghar nahi, jisme koi basta nahi, aate dekhta he, bikhlaate hue, tab use yakeen sa ho jaata he, ki ye sachhai hi he, wo jaanta he, duniya toh bhul jaayegi ki aaj ek bache ne, apna bachhpan khoya he, duniya ke apne hi bahut dard he, par wo kese bhule, ek 15 saal ka bacha ye kese bhule?

[acha he, ye bas ek sapna he]

Kuch der me hi sahi, par rojana ki tarah ye jahreela sapna tut jaayega, aur apne Maa-Abba ko chain se kone me sote dekh, sukoon se wo khud bhi so jaayega;
Par ye aaj kya ho raha he, ye darawna sapna chalta hi kyo ja raha he!
Sayad mene likhne me gadbad kardi, aur usne samjhne me, ab ye sapna nahi he, lagta he use bhi pata chal gaya he ki aane wale din kaale aur raate lambi he, log kahte he na, ‘Sapne dekha karo, ek din sach ho jayenge’ aaj wo ho gaya, aur kam se kam ab un jehreele sapno se chutkaara toh mil gaya!

Hairat ki baat he, wo abhi bhi muskuraata rahta he, maano jese use lag raha ho ki sab ek bada sa sapna he jo kisi bhi waqt khatam hone wala he, bas Maa use nind se uthana bhul gayi he, aaj kuch kaam me lag gayi hongi; sayad sapna hi hoga, kaun jaane.






[This is written in third person, because it has nothing to do with me. And it is written because it has a lot to do with someone I know, and knew. Someone I respect.
I express my sincere and honest gratitude, for the people who have lost people their close ones. There’s no easy way to say this. It must feel like a nightmare. I can’t even begin to understand what it must feel, but this is life perhaps. I wrote this poem-it was sort of a poem in the first draft-in a good sense, if conveyed otherwise, I am deeply sorry.
Those of us, who are lucky enough, are ironically busy as hell studying, playing, chatting, spending, buying God-knows-what for God-knows-who. I don’t blame you. I myself am the biggest criminal here. But I am trying to change into hopefully a better person.
 Do share it with your friends, and thank you for reading till now. And sorry if I ever hurt you, in any way, anytime in my life; I regret it deeply, and I will try to make amends, till then hate me with all you have, I deserve that and probably, I hate you as well, pun intended. Thank you!]